eBay 攪攪新意思

eBay 攪攪新意思

2009/11/23 下午 11:18:09
網誌分類: 網上商貿

eBay 玩到冇野玩，網上拍賣好多年前已經成為龍頭大佬，仲入侵其他國家，不過有D國家佢玩唔掂。好似日本咁，依家依然係YAHOO 拍賣同樂天網既天下；幾年前eBay入侵中國，結果又比淘寶網打殘；據聞近年連佢自己個陀地美國都比Amazon搶左唔小客。

要 數eBay最掂既攪作，莫過於2002年收購左Paypal，同佢既業務產生協同效應，而亦佢帶黎勁穩定既收入。如果數ebay 最失敗既攪作，就一定係2005年收購Skype，Skype係好好用，不過佢收購價勁高，當時好多人都質疑Skype同ebay產生協同效應值唔值呢個 價錢，結果ebay在美國Nasdaq股價跌到PK。ebay都有收購其他網站，不過都係不過不失。

由於市場日漸飽和，ebay近幾年在 主業增長已經慢左落黎，要令公司有增長，ebay一方面攪收購，一方面就對在ebay賣野既小商戶加價，年年加，而且都唔係加得小。我最初做ebay果 陣，所有ebay,paypal, bal..bal...bal... 手續費都係唔超過貨品價值既10%，依家已經要成25-30%左右。"ebayer" 再唔係喺ebay賣野既個體戶，而係為ebay打工的廉價而又冇福利、冇保障既員工，搵搵埋埋比老細 (ebay) 抽走大部份利潤。

不 過都要贊下ebay ，佢個只準擁有200萬美元(HK$1,560萬)淨資產人士先可以登記既.「億萬富翁交易」（BillionaireXchange）網站真係絕爆。有 個戶口已經係個身份既象徵，就算唔買賣開番個戶口都係型爆!  ebay收集左呢班有米人士既資料，第日要在佢地身上搵食又會易D，呢個Contact list你都咪話唔值錢。

多年黎ebay希望用網上商店取代傳統鋪頭，ebay在11月底又有新攪作，攪攪下網上商店又攪番傳統鋪頭。不 過ebay一定無衰，因為佢已經將個風險轉介左比參與既商戶，收上架費已經唔小野，而且補貨D野估計都會由小商戶攪掂。如果個 idea 係 work，相信黎緊會有好多 ebay實體店、ebay商場、ebay百貨公司....既出現。ebay會買田買地黎起大型商場做大業主，再分租或以拆帳方式同小商戶合作，又有另一新 出路!  而且收租既收入會幾穩定又可以發大佢既資產同回報，真係有得諗!

Reference:
(1) ebay acquire paypal 
http://investor.ebay.com/releasedetail.cfm?ReleaseID=84142
(2) ebay acquire Skype
http://investor.ebay.com/releasedetail.cfm?ReleaseID=176402
(3) eBay首家實體店 月底紐約開張
http://mag.udn.com/mag/digital/storypage.jsp?f_ART_ID=222055

轉載: eBay首家實體店 月底紐約開張
【聯合報╱記者陳若齡／台北報導】2009/11/17

國際網拍龍頭eBay，11月底將在紐約市中心開設首家實體店，從精品到3C和家用應有盡有，瞄準耶誕假期購物熱潮。

eBay近期推出名為「億萬富翁交易」（BillionaireXchange）網站，讓金融風暴下破產的富翁們可進行匿名拍賣，雖然至少要擁有200萬 美元的淨資產才能加入，但這樣不必丟臉、又能賺取周轉資金的機制，頗受富翁青睞。歷經10個月的測試，還未正式營運就已有二萬六千名會員，eBay只抽交 易5%的手續費，就賺進870萬美元。

隨耶誕佳節將至，eBay還打算開家實體店，宣傳兼大賺一票。根據WWD報導，這間鄰近紐約第五大道的eBay實體店，有5500平方呎大，店內將販售歌 手關史蒂芬妮自創品牌L.A.M.B.的鞋子、設計師品牌Michael Kors包包、M.A.C.彩妝、Dolce & Gabbana香水及許多獨家商品，其他如3C商品、玩具、家用、園藝品也一應俱全。

預計將於11月20日開至29日，19日則有開幕派對，前一百名客人將會獲得小禮物，噱頭十足，但畢竟是網拍起家，結帳得用網路櫃檯或手機應用程式，也讓人感受到虛擬和現實商場的界線果然愈來愈模糊。