當地產霸權破滅時
今日不少政客打住打倒地產霸權的棋號，為市民伸張正義。而香港市民亦樂見平價樓的出現。而我小龍亦預測2014年至2015年樓市會大跌，今日就同大家講下樓市大跌之後，地產霸權倒下，香港會係點！但先利率申報先，我係唔認為香港有地產霸權。
銀行奪命追魂Call
當年香港樓市自1997年起連跌年 ， 最多跌幅接近70%， 負資產樓蟹四處走 。 跌到 2003年 6月底 ， 負資產有10.6萬 宗 。所謂「負資產」，正確而言是指那些市價跌破業主仍未償還的貸款金額、「樓不抵債」的住宅單位，後來人們索性把這類單位的業主也一併叫做「負資產」。
禁「負資產」禁又點？我有錢，我每個月准時還錢，我Hold住係無問題！
錯啦！當你負資產既時候你會比銀行Call Loan！當你負資產，即樓價不抵按揭負債。業主可能被銀行追討差價，大概有兩個情況︰第一，是業主因無力供款被銀行收回物業拍賣(即是「銀主盤」)，最後因賣出樓價不抵所欠銀行款項及有關費用，被追討差額。第二，Call Loan，視乎借貸合約簽定內容，個別銀行可能有權因應市況改變，而對承按物業從新估值，若發現樓價不抵當初批核之按揭額，又或者是樓價根本低於負債，則可能要求業主補回該借款差價，以保障銀行借貸風險。
舉個例說，原按揭借款為樓價500萬七成即350萬，現因樓價下跌了兩成至400萬，以跌了的樓價計七成按揭，400萬只可借280萬，不計算其他可能有關費用及扣除供款已還本金，追討差額最少為原借款350萬減280萬之差。
即係最後結局係即使賣樓，首期無左，還要欠債。這亦是當年負資產業主要補錢賣樓之由來。 而唔好諗住我有份工，唔怕可以頂住！樓市通常同個經濟同股市一齊插！當年1997之後到2003，好多人無工做或大幅減薪再無力償還貸務，就算佢地想大樓換細樓減輕負擔，都賣唔到好價，未必還到銀行果個Loan！而且當收到Call Loan既時如果補不上那按揭負資產欠款就要自行破產，又或者根本一早就沒錢供樓而斷供，最後也是被銀行申請破產再沒收單位沽出還債，即變銀主盤。
即係做幾多Stress Test 都無用！
樓市2014
而香港係2012~2013年，有大量香港市民入市。包括前幾日既好爸爸訓身買綠悠雅院比仔仔。香港大量專家講樓市睇到唔到樓市有大跌既可能，香港地供應太少，大陸人泥香港買樓等等！而我真係睇唔到香港樓市唔跌既可能性！而依班人正正係將會被銀行CALL既人。
而你唔可以怪人地地產商引你入局，散貨比你。只怪你貪心！人地500萬一個車位，你都去接，只怪你傻！我好多客，走泥搵我，我叫佢唔好買樓，我仲好好多機同佢慢慢分析，每一次都同我講我睇唔到跌既可能，你有無禁叻可以估到，好多專家都講升WO!
而我最討厭係香港一班政客，當你大聲高呼打倒地產霸權既時候，要政府推跌個樓價既時候，正正係推香港人去死！但好搞笑當年同樣一班政客，不停評擊政府，講政府整跌個樓價！依家睇反八萬五好唔好咩？同一班人，大大聲，咩都做唔到！
最低工資害死幾多人，由奇夾心階層果班！而碼頭單野，就算比佢地加到人工，最後班人都會失業（依個topic我會下星期出文講）！
香港人醒下啦，唔好再比被distort既事同謬論影響啦！例如大學生申請公屋，仲整個咩聯盟出泥！將一件唔合理既事包裝到合理！講真樓市就算大跌，都無你份！因為你D錢去曬買電話同去旅行到！我永遠見到D有錢客，都係用黑白Mon電話，無人用S3同Iphone!
香港唔係需要低樓價，唔係需要高樓價，而係需要平穩既樓價！ 好好準備今次既財富大轉移。
沒有留言:
張貼留言