贏在起跑線，真的嗎？

 贏在起跑線？

今日同左兩個家長傾偈，佢地兩個仔都係讀緊中四，甲有個仔讀書唔錯，打算到外國升學，應該會讀埋大學，而乙個仔讀書唔叻，讀埋今年打算去做扎鐵，可能有好多人都覺得好似甲行條路會好D，因為個個都望子成龍，但係有幾多個真係可以成龍呢？拍戲o既都係得一個咋！但最大問題其實係真係有幾多條龍呢？其實讀書只係人生一部份，成功與否最重要都係佢o既性格，所謂性格決定命運，學歷只係出黎做野o既入場券，之後就要睇佢真功夫啦！當然如果無呢張入場券，佢會少好多選擇，但其實如果有左張入場券，亦有好多野佢唔會選擇，所以其實大家機會係均等o既！係我聽完甲、乙兩個孩子的計劃後，我覺得乙仔應該好快可以財務自由啦！因為好明顯佢真係贏在起跑線，甲仔讀埋大學起碼要六年，共化費約三百萬，乙仔呢五年每月開二十日，以日薪平均$2000計，即每月$40000，一年$480000，六年收入差不多三百萬，呢六年兩個收入已相差六百萬，乙如果識我應該都儲夠首期買樓，好彩可能已經買多左層收租添！再過多五年，甲收入會係幾多呢？由起薪兩萬再每年加一萬好唔好？即五年收入共約240萬，而乙又再搵多二百五十萬，係呢十一年甲仔收入係負六十萬，乙仔收入係五百五十萬，就算唔計學費，甲仔收入係240萬，乙仔係550萬，十一年後，兩個都係未夠三十，但係再過幾年，乙仔基本上已經可以財務自由啦！當然當中會有其他變數，但數就係咁計啦！如果唔覺意比乙仔申請埋公屋，真係唔知點算啊！當然我唔係鼓勵人唔好讀書，如果我有本事，我都想讀多D書，其實我只係想講，各位家長唔好諗住可以用錢黎堆砌學問！如果佢唔係讀書o既材料，唔好強迫佢一定要讀書，就算讀書叻都要佢知道自己o既目標係乜？如果諗住讀多D書會搵多D錢，咁其實可以慳返啦！試諗下宜家出國少極都要用一、二百萬，如果用呢筆錢黎買層樓收租補貼，再搵份萬零蚊o既工，其實生活都可以好輕鬆，所以出國前真係要停一停，諗一諗！勉強永遠就係唔會有幸福，我見到有另一個丙家長，丙仔擺明唔係讀書材料，但係就係都要佢讀，考左兩年DSE，今年二十歲，宜家重諗住去台灣讀書，為乜呢？青春就是這樣浪費嗎？最可笑係我問為何去台灣讀書？丙媽話因為負擔得起！哈哈！真係笑死我！所以成功與否好大程度係決定於你有無計劃，見步行步其實只有死路一條，及早計劃及作好準備，你先會知究竟你係想行一條咩路！好似有一D人，一路話想財務自由，見人加按又去加按，但係加按左D錢唔係拎去再計劃未來，而係去上下三、四千蚊play group，拎七、八十萬去裝修，一年去返幾次旅行，重要係豪嘆豪食，買車要買全新車，可能呢D就係叫人生啦！係我唔合潮流姐！當然每一個人都有權去享受人生，但係記住唔好怨點解份工咁辛苦囉！哈哈！先甜後苦定先苦後甜係你自己去選擇，我基本上只是一件厚多士姐！

財叔, 好正嘅分享! 將理財同親子兩個topic完美結合!可以借分享嗎?

 

我又試下講:

1. 甲家長高估了沙紙的價值, 其實等於買貴樓. 而且可怕的是學歷的貶值速度比物業快好多! 計計下數, 仲慘過用超高溢價買新樓!

2. 甲家長高估了沙紙的回報, 計一計用了過百萬學費生活費, 換來高薪文職工作月薪工作假設$40000, 與紥鐵比較其實係零回報還未加入時間值! 如果甲找不到$40,000的文職工作, 其實係負回報 月月貼! 97年買樓淨租金回報都係-5%左右, 後果如何不言而喻!

3. 甲家長以為甲可以憑藉一張沙紙用高收入追返差距. 呢個方法30年前或者可以, 但係今天資訊年代根本不是賣時間而係賣增值! 其實等於買樓買錯區, 買死流區! 其實為著仔女將來工作比我就寧願花錢教曉他理財或做人處事, 總不會比100萬多!

4. 甲家長低估了工作經驗的重要性. 乙小朋友18歲開始打工, 只要循序漸進, 到28歲時已累積了10年的工作經驗, 而甲可能只係職場的一張白紙. 現今文職工作只有愈來愈難做, 甲要追回10年時間及機會, 數字上只餘下攀上高級管理層呢個可能性. 就等於世界盃分組賽最後一輪, 葡萄牙就算與美國同分, 但要一場追回4球得失球差, 基本上未開波都可以返屋企訓覺, 有C朗都係咁話!