只買不賣+樓換樓

 掙扎

2010/6/15 下午 02:21:56
網誌分類: 磚頭攻略

2009年7月買入舊樓單位，9月收樓後大翻裝修，12月左右入住。住左大半年都住得幾舒服。外在環境舊，不過入面就好新、好正~!  上星期有個相熟地產經紀打比我，佢有熟客要想我個單位，問我賣唔賣?  呢位地產經紀只做熟客生意，佢講得出既只要我肯賣一定可以成事。

我 買入價係$4000/呎，依家有人出價 $5600/呎，扣埋裝修同其他成本，如果賣出可以有1M淨利潤。聽起黎真係好吸引，只係一年時間就有1M落袋。不過掙扎左一陣最後都係決定唔賣，全因為 記得財叔既一句話 ---- "賣左買唔買得翻先?"。財叔曾經教 路，佢只會換樓唔會賣樓，即係賣左之後可以用同樣價錢在同區足以買翻 個呎價平D、大D既單位，先可以考慮換樓。

我睇番我同區舊樓呎價都要$5000/呎起，而且冇裝修，外圍環境比我依家自住單位仲要 差。如果加埋裝修費計，我只係以市價賣出，由呢個角度睇其實個價一D唔算吸引。賣左我再搵野買，攪埋裝修都要呢個差唔多呢個價，而且未必比依家好，所以最 後決定唔賣。

而另一個角度睇，我唔Prefer將自己單位黎攪，除非好好價錢啦~!  哈~!  我曾同太太講笑話: 按現時市價計算，如果有人出到一萬蚊呎買我地個單位，我地可以在24小時內交吉。如果出到萬五蚊呎，3小時內可以交吉。如果二萬蚊呎，我地可以在3分鐘內 只取回証件...即閃~!  如果有五萬蚊呎，我地証件都唔要，最多去補領~! 哈~哈~哈~!

掙扎完一輪想起財叔一句話就平復落黎，按 照原先計劃，住多幾年等港鐵西港島線通車，相信個價仲會有上調空間，而且我又可以趁呢幾年去儲錢及物色我下一個居所。