連天台單位漏水問題

如何才知有沒有漏水呢?

2010/5/4 下午 04:24:05
網誌分類: 磚頭攻略

有網友問及買入260尺連天台樓，再提及漏水問題，如何才知有沒有漏水呢？我答佢問題時發現越打越多字，不如COPY出黎寫番篇野POST出黎比大家參考 下。

漏 水問題，你可搵你的裝修師傅去現場睇睇，佢地比較有經驗。如果要自己黎，先想想D水由邊度入。一般都係由窗邊、窗台位、或由窗邊既牆身滲入，天台樓更有機 會由天花滲入，而其他層數有可能由上層既廚、廁滲入。

如果單位唔係近期翻油過，漏水問題比較易睇得到。你可以先睇窗邊附近既牆身，睇下油 柒有冇氣泡或者異樣。睇睇窗邊既膠有冇硬化而冇左防水能力，再帶埋一塊鏡反射照照窗外牆身有冇裂痕，冇鏡的話用手機影底再睇都得。再者，睇睇樓下單位既牆 身同簷篷位有冇疑似裂痕。因為單位在同一時間建成，如果其他牆身有裂痕，你個單位外牆有裂痕既機會都會較高。

之後再睇室內牆身，外牆如果 有裂痕，雨水會由裂痕滲入石屎再滲入牆身。如果單位內有傢俱，最好將傢俱移開黎睇睇，因為上手業主好有可能搵野遮住個水積。若在舊傢俱中有一件全新或同其 他擺設唔MATCH既傢俱，更要小心。我試過在某單位內因為個櫃冇理由擺喺果個位，移開睇睇真係比我發現外牆有水積。如牆身真係有水積可考慮找專業打針人 士同幅牆打支針，等佢快D好，頂住先，但係D水唔由呢個位滲或呢個位被倒塞好可能會轉去另一個較弱個位再黎過。最理想係既根治方發係都係在外牆將裂痕修補 再做防漏，但係呢個過程要等立案法團開會通過再找承建商進行工程，有排等。

驗完牆身再睇天花。如果冇假天花，室內天花油柒都好易睇。廚、 廁內如果用鋁片天花，不妨打開睇下。鋁片天花之所以多人用係因為佢相對泥水、油漆成本較平，裝修收口容易。但係打開天花亦可能會發現漏水問題。廚、廁天花 之所以漏水，最大可能係上層單位既防漏做得唔好而做成。

你買的是連天台單位，即天台業權歸你所有，要做天台防漏亦來得容易，不像公用天台 漏水時要向立案法團反映問題，之後等佢地批、再等法團招標、再等等等...維修承辦商黎搭棚攪。加上你天台面積不大，要攪天台防漏工程費用亦不會太多。

最 後又要睇埋室內所有來去水位。水喉管用銅喉定係鐵喉? 近年裝修多採用銅喉，因為銅喉不易生锈，而且接駁較容易。早年既單位多用鐵喉，鐵喉經多年氧化後易生锈而導致部份喉管脆弱，到若干時候水會由喉管較弱部份 滲出或爆裂。所以我極度建議在大翻裝修時將室內鐵水喉換晒佢，除左唔髮再擔心爆喉之外若住戶長期飲用具"鐵質"既水對身體都唔好。自住固然之緊要，出租租 客長期飲用身體唔好交唔到租都唔好啦! (<-好似好格硬，哈~! )。而去水位既膠喉都係同來水喉差唔多，日子耐左會出現老化。另外一提係馬桶既屎喉，有D舊樓仲係用鐵喉，亦係漏水問題既計時炸彈。如單位既來、去水喉係 置於室內，日後要全更換時會好麻煩，因為會郁到樓下單位。

漏水問題只要搵到漏水根源大多數可以解決，除左自己單位內既漏水問題，仲要考慮 埋自己單位會唔會漏水落下一層而被樓下業主追討責任。所以大反裝修時，浴室既防漏要加倍注意。

如果你仲係好擔心會買入漏水樓，最好係搵落 完一場大雨之後去睇(如果咁岩有大雨)，因為落完場大雨問題會浮現晒出黎。如果冇即時浮現即代表單位可以頂得兩咀，短期內問題應該唔大。除非你識跳求雨 舞，唔係等得場大雨黎個單位都比人買左~! 呵~呵~呵~!