三條水喉
有朋友同我講過要安心退休就要製造三條水喉。意思係係有三種唔同既收入去支持退休後既生活，即使其中一種收入因某D原因而停止仲有另外兩種收入去維持優質 既退休生活。今日想起佢呢句說話，再諗下原來我已經唔覺唔覺整緊三條水喉。
我 第一條水喉在十年前左右開始整，依家已經整好左幾年，依家每月都有水入，而且每年仲會滲水一次。呢條水喉就係我經營網上購物網上購物既公司，生意都叫做穩 定，唔駛點理每月都有份糧出，而每年股東分紅既時候又多一筆收入。
第二條水喉係舊年年中開始整，依家工程仍在進行中。整呢條水喉每次投入 資金唔須要多，大有大整，細有細整，呢條水喉一年只會開 1-2次，有時仲唔會有水黎。呢條水喉就係高息股，手鬆時可以入多幾手，手緊時入一手或者唔入都得。收息股每年頂多只會1-2次，而且撞岩業務唔好仲可能 冇息派。如果日後持股數量再增加，收息都幾和味。
第三條水喉都係近年先開始整，呢個簡直係希望工程，每次加建水喉都要投入好多資金，而且 係工程係唔會完，長做長有。呢條水喉好處係個個月都有水返，但係要保養、維修呢條水喉每月有一定行政成本，呢條水喉就係物業投資。透過買入一D物業，用方 法幫佢增值，令到物業可以以最高租值出租。若成功將物業出租，扣除每月差餉、管理費後，每月都會有錢落袋。
過去十年，花左唔小精神心血去 整我第一條水喉，希望用多十年時間我第二、第三條水喉都會落成，等三條水喉建成之時，就係我真正退休既時間，每月唔駛做都有錢返!
沒有留言:
張貼留言