12萬起家 炒出700萬

12萬起家 炒出700萬

十年炒樓，有起有跌，有苦有甜。今時今日， Andres已經是美國準公民，與親友合資購下當地四間獨立屋，在港亦持有物業，個人資產總值為700萬元，你可能以為他是富二代，或者至少出身小康之家。但原來Andres本業為雲石打磨工人，日曬雨淋月入萬多元，無車無樓無番狗，名副其實「N無人士」，在社會打滾十年僅儲蓄12萬元。

○二年十零萬可以做乜？故事要由Andres窮到考慮租住劏房講起。當時，他在報紙分類廣告中看到唐樓價格相當便宜，機緣巧合之下以低於市價購入深水埗一個唐九樓分契單位。他憶述：「原本無打算租住劏房，後來發覺物業價格好筍，不如買入放租，心諗總好過放係銀行收息，點知過咗無幾耐就有人買我個單位。」Andres食髓知味，幾輪炒賣之後已經賺到盆滿缽滿，並且夠彈藥轉攻完整業權的唐樓。「我覺得好大感觸，辛辛苦苦做咗十年先得12萬，但炒樓唔夠一年已經賺廿幾萬元！」

捱過沙士賺第一桶金

Andres的第一個100萬元，則出現於沙士之後。當時Andres已經辭掉工作全職炒樓，始料不及一場疫症，搞得香港猶如死城，不但遇到縮沙買家，個人亦沒有現金支付另一單位的尾數，四出「撲水」無望下，惟有出動最後一招，就是向售出物業的賣家借錢。他回想：「當時屋企人失業，放租又無回音，惟有靠打散工過活，陷入絕望中。」然而，有危自然有機，捱得過沙士，樓價翻升，○五年Andres終於賺得人生第一桶金。

Andres的炒樓理念是永遠不落車。「一定要搵到一個比原本持有嘅單位平並且質素相若嘅樓盤，然後再以高價賣出原本持有嘅單位，以從中賺取差價。」除此以外，還要勤力搵平盤，此理念尤其適用於炒賣村屋。「○六年轉戰新界區村屋，以低價買入銀主盤，加上自己識得裝修，翻新過後叫價更高。」

在Andres的字典裏，最忌炒新樓。「新樓太貴唔抵買，好多人覺得新樓升值快，其實係升值先，好似火車頭咁，會帶動埋其他樓盤升值。而且新樓透明度太高，議價空間好細。」

新樓僅領漲 炒賣唔抵

隨着Andres的資本增值，夠炒二手洋樓及村屋，亦是他資產翻升最快的階段，其中流浮山附近一個400呎銀主盤，三個月內轉手賺逾六成。

時至今日，Andres已經舉家移民至美國，並且在洛杉磯與親友合資購下四間獨立屋。「一○年去到美國，見到5萬美元已經可以買起間屋，心諗成個沙士翻版，唔可以錯失良機！」由於美國不同區域的地產法迂迴，比在香港炒樓需要更多專業知識，所以Andres夥拍早已移居美國的姐姐出擊，成功將個人資產推升至700萬元！

事實上，香港擁逾700萬元資產大有人在，但Andres最過癮的地方，是僅靠12萬元起家，成功由基層市民升級做中產，他更把個人炒樓心得撰寫成網誌，及後更出版《我的10年炒樓經驗》一書。不過，政府一再出招打擊樓市，Andres就話唔敢再炒香港樓，加上股市面臨美國退市陰霾，投資寧願保守，如人民幣定存，以求避一避風頭。

家族多炒樓致富

雲石打磨工人韓安迪（Andres）一家出生基層，眼見家人成功靠炒樓脫貧，一個感染一個，結果變成炒樓家族，分別於美國、香港及內地市場搵真銀。

Andres一家有五兄弟姐妹，他與同父異母的大哥，十年間在香港夾份炒樓，勢要一家人一條心，齊富齊貧；三家姐及妹妹則分別於美國及內地各自搵食。現時Andres家已經全部擁有美國「綠卡」，成功上岸移民外國，令人羨慕。

入美籍不忘香港發展

他卻苦笑道：「如果唔係炒樓會好慘，好多行家（雲石打磨工人）都已經轉晒行，行內缺乏有技術嘅老師父，人工只會愈來愈低，做爛市。」Andres雖將獲正式美國公民資格，但仍以香港為家，並樂以雲石工人自稱，希望藉廠商回流返港，改變行業生態，提升技術工人的競爭力，振興行業前景。

韓安迪（Andres）小檔案

現職：雲石打磨工人

炒樓經驗：炒樓逾10年，涉獵範圍包括村屋、二手洋樓及唐樓等

炒樓心得：

1. 永遠不落車

2. 勤力搵平盤

3. 新樓透明度太高，議價空間細