美國佬奇招打救小廠家

國佬奇招打救小廠家

今日回想起一個在美國再培時Professor 講個既故事，好想分享一下。

美國有一間大百貨公司最鐘意 落單比d有Potential既 細廠仔。由於美國單量唔細，好多細廠仔設備、地方同人手都未必可以應付到佢地既落貨量。第一年，大百貨公司就會全力協助細廠仔，落單又會先付部份訂金，仲 會主動借錢比細廠仔去增加生產設備同人手，解決晒廠仔一切問題。第二年，美國佬就再落大d既 order，再借多d錢比佢既廠仔增加設備，同時要求廠仔唔好接其他客仔既訂單。廠仔見美國佬咁好人，又比穩定既單佢地，又借錢幫佢地解決資金不足問題， 所以就好順攤咁接受美國佬提出既條件。到多幾年，美國佬見時機成熟就開始唔再落單。

(P.S. 我打左格仔,間公司有五個英文字母，S字頭、RS字尾)

之後會點??  廠仔因冇再接其他客仔訂單一段時間，一時之間冇晒其他客仔既訂單。而且規模大左好多，設備又多、人手又多，廠仔真係唔知點算。美國佬呢個時候仲會迫佢還錢，踩多佢一腳。廠仔老闆一時之間由天堂被打入地獄，面對好嚴峻既營運問題。

最最後...美國佬就會向廠仔提出收購， "幫助" 廠仔解決問題。就係咁，美國佬就會以低價食左間廠，源源不絕咁供貨比佢自己!  廠仔老闆呢? 可能賠上了工廠以及負上一身的債! 

Professor 講果間美國大百貨公司，得五個英文字母，SE字頭、RS字尾。如果你係小廠家，小心比佢 "幫助" 解決您既問題播!!