買了居屋，是否應該撻訂

今日情人節，我相信有不少資深，尤其是到了談婚論嫁的情侶並不開心，如果他們為了準備結婚，而在去年合資買了居屋，現在將面對一個問題，亦將會是今晚的話題，究竟應唔應該撻訂。

本來我都唔想咁掃慶，不過，我將話題帶出來，希望他們早有心理準備，我所講的做法，在十幾年前我已經向不少同事講過，當時，有不少同事買了居屋，但樓價大跌，政府容許將居屋交回政府，只收取5%手續費，我提議同事將居屋交回，就算損失5%手續費都是值得，以後可以用相同或者更少價錢，買大約相同面積單位，不少同事照做，今日，他們不只擁有一個單位，沒有做的依然住居屋，還要擔心日後補地價問題，一個決定，足以影響一生。

投資者口訣中，「狠」的含義甚廣，大家多數以為出價才要狠，其實不然，放棄才要狠，因為出價狠亦只不過是多付一點，但放棄就變成一無所有，唔狠點得，大家千祈唔好誤會，我並不是叫大家撻訂，而是叫大家考慮清楚，不要因為即時有所損失而選擇成交，因為，買了一個物業，同時亦負上一筆債務，是否值得就見人見智，不如，各位情侶今晚不要講這個話題，大家開開心心過情人節。

房協名位大哥睇到我這篇文章一定想殺咗我，如過太多人撻訂，真的是唔知點算，政府表明不能夠減價，惟有將未售，殺訂收回的居屋存倉，十年八載後一定會到價，唉，點解政府仲唔相信曾蔭權話，居屋已經完成歷史任務，可以說是自尋煩惱。