大家都知道小弟2008年專心研究某一區的舖位，所以我會緊貼這區的舖位成交價或新的續租情況...
當時正值海嘯期御用告知車站對出個大corner舖（又 稱扇形舖，是舖中之極品），成交左3千幾萬.我話點解一路未聽過業主放盤呢？御用答「聽講業主間大陸廠周轉不靈，等錢救命，於是以一個較低的價錢於短期內 沽出.相信價錢比正常價至少平500萬（我之前提過2008年舖價冇跌過，但偶有劈價成交只是零星個案而已）！據知買家是一名用家.」
於 2011年底，我與一銀行朋友（負責租務）經過此靚舖，我問佢呢個舖如果租比銀行應收到多少租呢？朋友答「嘩！呢個大corner係一個好靚的廣告位，租 金60萬/月，應該冇問題！」我即刻計數，舖位租金定價值以2.5厘計值$2.88億呀！ 個世界好細，我有個朋友的朋友原來在這舊業主的香港公司打工，不幸嘅係公司現在嘅情況比2008年更差，老闆家陣現在不知如何是好？
又係一個「天與地」嘅問題.如果老闆2008年放棄間廠，留住間舖.浄巿值都成3億，每月收$60萬租，憂哉悠哉，財務自由.抑或現在睇下自己仲有冇磚頭可賣再去救廠呢？
以上並不是一個故事，係鐵一般的事實，仲可能不段發生.我亦相信大多數嘅廠家會在2008年選擇賣磚頭救廠.你話點解呢？由於小弟都係廠佬一名，都明白一般廠佬的心態，所以就嘗試作答：
1）相信有明天
尤其是老牌廠家，認為自己見慣風浪，金融海嘯過後，公司業務又可又創高峰.
2）情意結
作為老闆有物業收租的，結束公司不成問題，可以話係光榮結業，止賺離場.但係跟左自己幾十年嘅同事點算呢？大多已一把年紀，要出去搵過份工真係唔易呀.所以好多廠家就算公司冇錢賺或蝕少少，仍會繼續經營.
勞資雙方兩面睇：
作為打工仔：
應想想老闆的苦況，當你每月仍好穩定出糧的同時，有否諗過其實公司可能蝕緊本，老闆可能係出面籌旗出糧，又或者用盡中小企貸款去支持住一間可能冇明天嘅工廠運作.小弟有句說話贈打工仔.就係「居安思危」，今天不努力工作，明天就努力搵工作！
作為老闆：
內 地員工（尤其是普工），因最底工資規定人工年年加，而香港的零售業，旅遊業，酒店業，醫療等等的行業受惠於自由行，令此行業的員工薪金升幅優於大巿，而你 的香港員工仍不離不棄與你持續作戰，不計較人工有否上升空間，只求穩穩定定.試想想佢地由一個小女孩/小男孩到你公司工作，而家已成家立室，有兒有女，大 家就好似一家人.所以，如果公司有得做或蝕小小，就再觀察一段時間.但如果冇明天又蝕大本，就要居安思危，有止蝕或止賺的準備.正如電視廣告所講「再鋒利的刀都有生銹嘅一日」.
P.S以上純屬個人意見，並不代表所有廠家，如有廠家老闆或打工仔想補充，絕對歡迎分享！更多
沒有留言:
張貼留言