賣樓時機，市好出售劣質單位

賣樓

樓市用癲狂來形容現況都算適合不過！ 政府政策越出越升, CY報告出後搞到樓價天天創新高, 有樓盤出現一剎那便賣走(搶閘)

本身我手持有1個質素極差, 3面環牆而又低層又凹入去單位收租.

初初貪樓平回報高買入, 上年本身想襯市況好賣走佢, 點知睇樓人嚴3嚴4又無還價. 我放個價計收租都有5厘回報, 但都無人要, 間屋已全裝修. 所以我決定唔買收租了事. 加上政府要買連約要50%, 咁更加賣唔出. 

上個月租客搬走之後我又親市況好叫賣和租, 諗住一定走到. 點知等3星期一個租客或買家都無出現. 我當時心情都DOWN到不得了. 心諗搞咩呀, 個市場咁熱都無租客或買家, 單位本身係市中心都有一定優勢. 可能年尾啦租樓會靜我都理解, 但賣樓都無人要? 原來我幢大廈好久無成交, 銀行估價不足差成50萬多.  好多客想買但唔想抬錢上會及怕買貴.  

咁好啦, 我為有疊埋心水租出去算, 3日前晚上終於租出啦! 點知第2晚有經紀CALL問我租未或賣未, 我話租出了.  經紀又話我客可連租約買, 我心諗無野呀, 放鎖匙咁多日都無聲氣, 到我租出叫我連約買. 點算好呢?   當時我心情15/16, 煩到死, 本人係好息之徒有租收就OK哂.  

之後我諗起前排"湯文亮"一篇文章講今年部署約多過幾層就趁市旺賣走最劣1間.

Q.私人如何部署？

A.自用  –第一層樓，可以買。  

                第二層樓，不可以買。 

若果有幾層物業 –  一趁市旺賣走最劣一層。  

Q.投資者如何部署？

A.他們應該教我。本來我不應該說，不過，明報要我說，我便說。 持盈保泰   (賣走一些最劣物業) 

儲定子彈，3年後才出擊

 

加上初識財叔教導我們租金回報低過4%都應該賣, 我計過現價賣回報只得3.5%, 所以我決定連約賣. 但我個晚先比完租佣金, 第晚就比賣佣金. 所以我加價睇對方係咪有心買, 點知沒有拒絕立即開票. 我為免出爾反爾我咁就簽約啦. 

當簽約完後我問經紀買家咩人, 佢話買家等租約完買比個仔住

個買家成6X歲, 年青人都無能力上車要靠上一輩幫忙先能置業. 如能置業又只能做9成按揭.  

大家話樓市係咪瘋狂呀.  現在我仍努力儲蓄等下次機會來臨, 希望時間不遠.

P.S. 現在人工唔加, 現租300呎(實用)都成$8000-$10000, 如果樓價係咁升, 究竟租金還有上升空間, 現回報率可繼續支持現樓價上呢?

仲有樓宇投資本身機動/流通性慢, 一次交易連放盤時間最快50天(正常). 如果市場波動, 等賣都幾煩.