九七唔駛輸，誠信救咗我
時間大概在1997年，當時的地產巿場係用「癲」黎形容絕對冇錯！當時一有新盤推出，要睇樓牙，搵條排隊龍尾都要好耐.D樓盤一出例必一Q清袋.想買心儀單 位仲可能做幫襯炒'籌'兵團（當時頭籌成交價一百幾十萬不足為奇）.小弟當時努力工作，亦感受到地產興旺，很多廠家朋友已忘記自己是實業家，我打電話去落 單，佢就話「遲D先啦，睇緊樓呀，等我炒兩轉再搵你！」真架！唔只一個行家，係好多行家都係咁.你地話咩世界呀！
大 家係咪以為小弟好清高呢？錯啦！我咪又係人，都係血肉之軀姐.有次律師樓個老死打黎話有嘢益我.佢話「Ricky,我有個客XX記集團內部認購咗海X豪園 20個內園單位，如有興趣就價單上加100萬，我再收你10萬手續費，點睇呀？」我計一計數成本即$8000/呎.當時黎講算好吸引.考慮了幾日應承咗， 亦開了100萬嘅本票於指定日子準時到達律師樓.當時會議室已人山人海等⋯⋯交收，終於XX記代表到咗，佢話「由於發展商最後只批了10個單位俾我地，所 以唔夠分.唯一辦法就係你地20人再bit價」，佢係話bit價而唔係抽簽呀！我好氣憤，馬上起身同個代表講「我係廠家，係講誠信㗎！」於是取回本票就即 刻離開(我同自已講就算有錢賺又點呀！呢個係原則問題），亦唔清楚其它人的決定.印象中後期內園景跌到低過$4000/呎.自此之後我沒再參與磚頭巿場， 再回想當時的我真無知，當時大部份人包括我都係投机而不是投資，完全沒去計租金回報，息率，更加唔知咩叫做願景，以戰養戰，下行風臉及上行升幅...之後 我冇再買磚頭，但我覺得自已對磚頭開始有興趣，所以就開始從報章，雜誌，傳媒一路了解.而身邊的朋友就繼續樂亦不倦地不停炒賣，初期佢地都同我分享一轉手 就賺數十萬的實戰經驗，佢地又話「Ricky,你做咩廠呀，炒兩轉都上岸啦！」我當然不為所動啦，覺得好唔對路，個個都不務正業.時間不流人，差不多到了 2003年SARS,真係可以用恐怖黎形容.我有部份炒家朋友失咗蹤，有d破咗產，有部份就借錢渡日.
小弟就正式於2003年底開始入巿投資各樣磚頭直至現在.需然我於97中冇損失，但過程係有參與架！我係從朋友失敗中學習...我唔知大家有冇97的股災經驗呢？樓巿係可以跌7成㗎.你地有冇呢個準備呀？
睇我的分享好似好簡單，其實近呢幾年的每一個project真係有血有汗，非短短幾行文字就可分享唒.個世界係冇不勞而獲，要投資就要做功課.吸收不同投資者的思維，取長補短，加以磨合再優化.做好預備，機會一到就要把握，互勉之.
沒有留言:
張貼留言