一開五的板間車位，輸到你唔信

有新朋友問「Ricky,你投資磚頭有冇輸過呢？」，我會答「冇」！其實我自已都唔肯定，不如你地話我知啦？如果車位係磚頭嘅一種，咁小弟在此正式宣佈「我都輸過！輸一萬都係輸，仲係輸俾'+x哥'添！」.

有 部份投資朋友喜歡買入單位後'劏'套房出租，一拆三，四經常有.今次我調轉做，話說兩年前的一個下午，中記御用來電告知我家屋苑有車位出售，10萬/個. 我話冇可能，據知新近優質車位成交價2 00萬，租金$3800/月.冇理由咁著數...御用話發展商把5套電單車位一同賣出（即2萬1個電單車位），面積等於一個汽車位（請看相片）.但要快！ 我即時駕車接埋御用去發展商到揀車位.我心裏面唸「以10萬1套車位，就算月租$2000都有20厘回報呀，點計都冇得輸！」.到達售樓部，揀了一個車 位，但我亦好小心再問銷售部X先生「駕車泊咗入去，管理處會唔會鎖車架？」，他答道「管理公司都是由我們營運，你話會唔會有問題呢？放心啦.」有道理.於 是我就落了一萬訂金.

御用亦第一時間幫忙放'預租'車位，$2000/月.在短時間內反應不錯，但大多業主擔心管理公司會否鎖車.於是我 就與管理公司商討車位事宜.答案係負面的.對方話「羅生，你可放五架電單車泊入去，而不能泊架汔車入去」.我再知詢業主會點睇尼件事，佢地又話要鎖車.我 再打電話到政府相關部門，答案係「唔可以改變原有用途」.

我正式死咗心.但唔係話我放棄.因今次事件原於發展商誤導所致.所以我要取消交 易.於是找缷用律師想辦法，答案係「尼單嘢都有辦法，但要Agent做証人，問我掂唔掂？」，我馬上致電御用話「由於你在大行工作，你做証人會唔會影響 你...公司又會唔會俾壓力你...如有難題，我自行再想辦法.」，佢即時話冇問題！我好感動，有肝膽相照的感覺，尼個就係投資者與御用的關係.於是御用 上去律師樓解釋事發經過.然後，出了一封律師信，枱頭係高層趙XX先生.並要求取消交易.不久收到對方代表律師回信，內容大靠係話佢地同事沒有任何誤 導...其實對方都是找個下台階，件事不了了之.我當然冇完成交易，冇俾餘下的九萬.律師問有否需要想辦法取回訂金一萬，我答導「+X哥係我偶像，一萬蚊 就豪俾佢啦！」據知其它投資者冇我噤好彩，大多完成交易，但真係得物無所用.哈哈，小弟今次真係老貓燒鬚. 我輸得起尼一萬，但我唔會忘記尼件事，就當買左個經驗啦！

P.S請不要問此屋苑在那裏，多謝合作！