2015年7月26日 星期日

L型經濟股票難炒

金融High Tea——L型經濟 股票難炒

2015-07-27

      

過去十年,在六月尾、七月初買股,賺錢機會遠大過輸錢。今年會唔會例外,股民、專家睇法差唔多,唔少都對前景有保留。大家睇淡,原因有兩個;一個係資金流向;另一個係實體經濟表現。

        先講資金流向,呢個月美國公佈首次申請失業救濟人數,大幅下降2.6萬人至25.5萬,係1973年以來的最低水平。市場預期7月非農就業人數會增加至25.2萬人。另一個數字係新屋開建數字強勁攀升的推動,6月份領先經濟指標指數上漲0.6%,數字意味着下半年經濟前景仍然強勁。

        華爾街四連跌

        就業係聯儲局最重視的數據之一,失業率穩定向好,令到聯儲局能夠在今年內加息的條件大升。聯儲局主席耶倫近期多次放風,將於今年稍後時間開始加息。市場估計,聯儲局最早可於九月開始加息,加息甚至不止一次。

        不過,聯儲局職員啱啱擺咗個烏龍,將應該幾年後先解封的會議內容放上網,提及聯儲局內部對經濟睇法無外界預期咁樂觀,多位理事覺得美國今年最多加息一次,就已經差唔多,不似外界估計加咁多。可能受美息向上的心理預期影響,上周五的新屋銷售都比預期差,成為華爾街四連跌的理由之一。

        聯儲局議員有無咁烏龍,將咁敏感想法放錯上網,中環茶友大有保留,有人講笑話呢個可能係耶倫放風新招,等大家有加息預期。究竟烏龍係真抑或假,睇吓有無人「被炒魷」就知啦!

        茶友最近已經成日話,市場已經預咗美國今年會加息,市場已經慢慢預咗,所以利率上周好過唔郁,最正路係美國加兩次息,令利率正常番少少,然後再按實際情況決定未來仲加唔加,咁樣好過唔郁手,任由通脹升溫。佢認為,美國經濟仲未係大好,加上就快大選,為免經濟大幅波動和影響選舉,儲局一般係呢啲年頭唔會大力加息。儲局擺錯咗嘅會議紀錄,反映出嚟的想法都好大路。

        香港得番樓市撐住

        美國加息步伐漸近,華爾街情緒有點神經質兼緊張,美股上星期就借住部份公司業績唔係咁靚仔調整。杜指上周五收17568點,跌咗163點,全星期計就回落近3%,反覆去到近期低位,顯示華爾街股民開始為利率上調做好準備。

        至於另一個因素,就係實體經濟表現,講到呢瓣就內地同香港都較美國值得擔心。上周五公佈的7月份中國製造業指數(PMI)創出5個月新低。消息公佈後,A股倒插收場,港股急跌287點,美國預託證券開市繼續回落,加此華爾街低收,相信本周開市氣氛仍然緊張。

        陸羽仁最近同唔同嘅商界人士傾起,大家覺得中港商業周期喺高位運行,正等緊有乜嘢觸發一場明顯啲嘅調整。有本地零售業巨頭講,佢喺世界各地都有生意,依家美國同歐洲都算係平穩,反而喺香港仲係尋緊底。奢侈品零售淡靜已經係不爭事實,遊客區租金向下調整成為大勢,就算係水貨客買開的類別,依家都放緩咗。

        比較好彩係樓市同樓價仲挺住,支撐咗本地消費,若然樓價放緩,情況會點就真係好難講啦。啱啱開售嘅一個房協長沙灣樓盤,因為訂價低過同系二手,吸引大批買家捧場,幾百個單位一Q清袋。雖然係咁,唔好忘記樓市氣氛可以變得好快,尤其依家樓價高企,交投減少,有點乾升味道,如果美息向上,買家熱情多多少少都會受考驗。

        巨頭覺得市道靜咗有兩個原因,一係內地進行緊調整,加上打貪因素,影響了消費力;另外,美國息口開始有向上跡象,美元轉強,令不少內地人同外地遊客減少來港消費,之前本地有一班人大聲嘈,不歡迎內地人前來消費,只係壓斷駱駝背的最後一根稻草,就算無呢類事件,相信市道都難逃一跌。

        佢仲笑言,日前遊客區發生單萬元一支藥油的劏客風波,可能反映部份業界心態。以前生意好做,無謂鋌做到咁離譜而走險,依家斬埋唔夠一碟,於是狠下心腸斬客喎。呢種講法多少有搵藉口之嫌,但零售業由高峰回落,但人工、租金未回調,老闆們捱板都唔容易確係事實,喺咁環境下,零售股業績唔會好。通常零售業最大成本係人工同租金,依家租金開始調整,但幅度未係好明顯,薪酬同樣仲未跌,所以零售股雖然調整咗唔少,想撈底低買唔使咁心急住。

        香港零售或旅遊業,基本上只係小氣候,大氣候始終係美息同內地經濟,內地PMI咁差,好多人都有小小意外。早前內地話上半年增長成功保七,有人從相反角度解讀,話阿爺咁緊張,係咪數據好差呢?從公佈公來的PMI睇,內地似乎仲未捱過最惡劣狀況,未來可能係有反覆的日子。

        有茶友喺外地回港,佢話依家係美加,開始見到不少美國本土生產同東南亞生產的消費品,佢估係因為人民幣升值同內地抄咗德國勞工法例,年年提高工人福利,增加嘅生產成本的效果慢慢浮現出來,若然係咁,內地喺未搵到另一個經濟火車頭之前,要維持7%的增長真係好唔容易。

        內地最驚通脹夾擊

        早兩個月,實體經濟差,市場憧憬中央會放水,令壞消息可以從利好角度解讀。不過,呢個「傳統智慧」仲有無效,依家就要小心觀察。內地放水的解讀有可能出現新變化的原因有兩個,一個係通脹會唔會重燃,若放水太急會觸發滯脹憂慮;二係A股爆災後,市場對大水浮起股市的信心係咪仲係一樣。

        上個星期,市場忽然炒起豬肉股,陸羽仁當時講過要留意會唔會係通脹威脅?燈號亮起。其後發現市場都有唔少人抱相同睇法。內地通脹數字,食品佔相當權重,其中豬肉係重要數據,肉價漲對數字有推動作用,要留意是豬肉漲價的代表性有幾強。

        前幾年,豬肉都試過急漲,令農民大量養豬,搞到豬年豬肉過剩,連長江都爆發死豬成災的事故,之後養豬的農民減少,可能是肉價上漲的成因,若然只是生產循環的因素,咁就無咁驚嚇。現階段比較理性的做法是不下結論住,但就提高警覺性,因為若然通脹升溫,阿爺唔敢亂放水,咁等如綁住雙手去救火,好難去托住經濟同個市。

        依家內地經濟界已經確認,中國經濟無U形反彈,似係L型在底部橫行,情況唔太樂觀。經濟差係壞消息定好消息,好大程度取決於阿爺有無同用乜措施去應對。但阿爺似乎要等通脹回番才可出重手放水救市。

        野村證券預測,今年下半年中國央行還會有一次降準,一次降息,約為25個基點。就算中央有減息降準機會,外界反應都未必一樣,尤其係經過A股暴跌,有中國好友之稱的對沖基金BridgewaterAssociates負責人RayDalio早前發信俾客戶,坦言「我們對中國的看法已改變」,因為內地股市泡沫急促累積和爆得這樣快。經此一役,相信好多人傾向持有現金。

        炒中短線要提高警惕

        連大好友都咁講,中港股市現時雖已有咗啲調整,估值唔算太貴,但考慮到實體經濟氣氛影響,加上信心未復,若然只係諗住撈住撈貨炒炒中短線,就不能不對短期波動增加警惕。

        陸羽仁

2015年7月23日 星期四

大學畢業都無用澳洲揾唔到會計

Phoebe在澳洲留學10年,暫時仍未找到會計相關工作。

又到畢業季節,踏入社會工作的大學生忙着求職,靜候人生第一份聘書,隻身在悉尼的Phoebe,等待特別漫長。大學主修會計的她,去年至今畢業近一年,仍未找到心儀會計師工作,家人朋友叫她離開返港,但她早已將澳洲當成另一個家,想繼續等待。
24歲的Phoebe,中四到悉尼留學,當地生活近10年,不過她仍心繫香港大小事。
去年雨傘運動,她認識到一班聲援運動的留學生,定期聚會。這件事亦令他們有所感觸,不欲回流:「香港同學好多都留低,睇下搵唔搵到工留低。我們家人都在香港,情感上肯定放唔低,但如果留在香港,情況變壞的話,想離開都沒有選擇。」
去年大學畢業後,Phoebe申請臨時簽證,可逗留澳洲一年半,如果僱主願意擔保,順利的話更可申請入籍:「澳洲唔似香港,外地人來讀書工作夠7年就可以做香港人。如果讀有專業資格的學科,好像工程、建築、會計,畢業後可留在澳洲工作18個月搵工,之後申請技術移民的機會都大些。」
父母匯錢助考專業試

Phoebe現在當售貨員,每月人工約1,900澳元(約10,950港元),只好選擇在離市中心約45分鐘車程的市郊租房,和其他留學生同住。
扣掉房租和其他生活開支,她每月只用剩約300澳元(約1,730港元)。畢業一年多,父母仍不時匯錢過來給她,應付簽證費、考試費等開支,現在她每周只上班3天,其餘時間在家努力應付專業試。她苦笑說:「這段時間真係要靠下父幹,考到專業試,之後搵工就會順利好多。」
家人和朋友都認為以她的專業知識,回港發展不難搵工,紛紛勸她離開:「媽媽見我搵唔到工,叫我不如返去考Big 4(四大會計師樓)啦,但我唔想。朋友做Big 4,都覺得公司只是想要一班肯做長工時的廉價勞工,頂唔順就走。我情願在澳洲繼續找機會。」
競爭力不足 留學生難獲聘

Phoebe大學選科時特地挑選會計系,但在競爭激烈的會計師行業,本地學生找工也不容易,Phoebe自言競爭力不足:「我成績麻麻,有朋友一級榮譽畢業,簽證到期都搵唔到工。留學生畢業後在這兒搵會計工好困難,僱主都不願聘用。」
(原文刊《iMoney》)

IBond 2015


人有人運,股有股運,投資產品有時都要揀吓出世時間。股市呢排處於休整期,政府推出通脹債券IBOND,吸引大批市民認購,有銀行職員話今年排隊嘅人多過上年,估計今年一人可能只得一、兩手,實際情況要睇真正認購市民有多少。

        買股嚇親寧願穩陣

        買IBOND變潮流,有人問好唔好認購,呢啲政府嘢實唔會輸錢,你唔怕麻煩都會有粒糖,不過,IBOND唔係股票,升極有個譜,加上分派有限,如果滿足執一千幾百,咁咪認購囉。

        坦白講,如果佢喺兩個月前推出,肯定無乜人理佢,因為個時炒股郁吓執幾十個巴仙,美國又話加息,不利通脹敏感的債券。點知自從A股風暴,好多人知道股市專收叻仔,早排贏得多,跌市仲輸得多,大家風險胃納急降,加上早日大陸豬肉價又話急升,於是IBOND變番有啲睇頭,依家俾傳媒炒熱咗,仲變成唔買好似有啲老襯咁。

        中環茶友中,有IBOND忠實支持者,次次佢都有認購,今年佢仲未郁手。

        茶友話,買呢隻政府債券,最和味係第一次,當時無人識好嘢,佢大手少少入貨,一中就中到滿額,分咗四十幾手,若然掛牌即沽就執幾萬銀,不過佢唔等錢使,擺喺度擺到贖回,賺足咁多年息。

        第

一鋪爆冷食了胡,第二年開始就多人認購,分配金額大跌,但既然係政府分糖,市民應得嘅,茶友交足稅,但無點攞福利,就算小小哋着數佢都年年買。

        茶友話,由於政府斟掂銀行唔收手續費,認購起碼唔使花佣。要留意係IBOND唔係用按比例分派,認得多唔等於派得多,以現時形勢,估計申請三幾萬已經分到盡,所以唔需要入大飛啦。

        一沙一石見世界,投資市場都係咁。茶友話,從IBOND咁多人買,可見公眾做事好情緒化,喜歡一窩蜂,依家大家突然愛上低風險、低回報的產品,係市場喺早前大幅波動市的集體心理反射。從呢個現象睇,心態弱的投資者,好多已經減磅或者避險,咁對後市反而唔係壞事。

        港股似叉唔夠電

        依家市場關注係內地股市震盪後點樣收拾殘局,同時美國有可能加息,令到市場觀望氣氛濃厚。依家恒指兩萬五千點,睇落唔係太平,但個別股份都算抵買。如果人心虛怯,個市有機會插低,屆時可能買到又平又靚的優質貨,咁比起爭買IBOND,計落可能仲着數。

        昨日人行繼續「放水」,再推逆回購350億人民幣,帶挈港股止跌回穩,一度升過兩百點,尾市回順,在25400點徘徊。恒生指數收造25398點,升116點;國企指數收報11834點,升100點,成交縮至798億元。

        內地股市升2.4%,國指只升0.9%,香港好似叉電叉唔起咁款,升唔跟足就怕佢跟跌。

        藍籌以今日公佈中績的友邦(1299)至叻,貢獻40點升幅,收造51.45元,升1.1元或2.19%。李寧(2331)獲高盛調高評級,由原先「中性」升至「買入」,因估值可撐起股價,目標價4元,收市報3.78元,升近10%。

        市場繼續升平股,借住環渤海動力煤價格持續低企,水泥股受追捧。海螺水泥(914)飆近7%,造26.1元,為表現最叻國企指數成份股;中國建材(3323)漲3%,不過呢排資金炒作一浸浸,如果見佢升先追入,可能已經遲咗,平股如果無乜古仔,炒兩炒可能就會靜番落嚟。

        軍工股反而睇落襟玩啲,昨日再次起動。航天控股(031)、航天萬源(1185)齊齊急揚10%;中航國際控股(161)升5.7%,造6.45元。

2015年7月22日 星期三

80年代日本股市崩潰原因

80年代,日本經濟蓬勃,日本貨賣遍天下,日人富貴了,但富未及一代,就被89年的日股崩盤,拉了下車,災難如何發生?
日本人富貴了,便買屋。屋價、地價便貴,多家美資證券到日本開辦事處,出研究報告,看好日股、日地產,當時日房產貴至要三代人的供款,才可買得起一間屋,而美資研究報告則謂:這是好事,你富貴嘛,不少擁地皮的公司,其潛在價值便高了,按照資本主義的價值投資論,這類坐擁地皮的公司,是物超所值,例如日本的新幹綫,接連其火車綫的地皮都變黃金了,日經亦因此而升至38000點。
美資行吹噓日地皮等如黃金的論調使不少日本人、公司都信,不少人都買股。如果美資只靠研究報告費和佣金為生,就肯定連租也交不起,他們要賺大錢,不是在日本本地,而是在日境外:新加坡。

外資唱好 旨在令散戶麻痹

有位二戰時的美軍轟炸機機師,韋利(他於90年代任港期貨交易所行政總裁)於二戰時未曾炸過日本本土,但在80年代就在日本金融市場,投了個核彈。話說他當時踏足日本,拜會日股交易所,問可否搞個日經期指(當時日本市場冇期指),日本仔富貴逼人話:唔得。於是韋利去了新加坡,開設於日經期指,但這期指不是百分百跟日經225匹配(因日本仔不讓你搞嘛),但對炒家言,只要能有九成匹配也OK,因為大鱷是慣於在不完美的市場也可搵食。全世界的石油質素都不是統一的,交收時,有一套計價標準,按不同的含硫量,其他雜質含量等等作出多除少補式的計價,來算出個雙方都合意的價來。日本本土的日經225指數,跟新加坡日經期貨有點差異亦不礙兩者掛鈎計價。於是,日股的災難源開始在新加坡醞釀了。
要跨市場來布局,是因為不想普羅股民知悉有這部署,這個部署當然是沽的部署,外資想在日本本土的普羅日股民知悉的是:日股好,日股妙,日股呱呱叫,買啦!這就只要外資出看好報告便是,外資就將以前低位買入的股票沽給普羅日本股民便是,這個低買高買賺錢不多,定要加個turbo來賺多些。
當日股升到泡沫水平時,外資便在新加坡市場開新加坡日經期指的淡倉,但你A外資去開淡倉,誰做傻瓜去接你的淡倉。人多的是,但不是B外資,而是日資大戶,這些日資大戶都是大投資者,可以是日本基金,可以是普通的大戶,但一個共通點,是這些接貨者都肯定賺過一截的甜頭。
不要以為筆者是亂嗡,2007年,有多少香港朋友買過香港的Accumulator,我就買過,正是「不怕你精不怕你呆,最怕你唔來」,筆者當時最旺的時候是一日贏三張合約,日賺60萬,有這好賺頭,怎會捨得走。筆者也算醒,知道花無百日紅,賺了一截之後,知道要收手,在金盤洗手前,就講,這是最後一鋪,之後讓人去接火棒了,醒嗎?但就是這最後一鋪過不了,溫家寶突然講:直通車不來了。他講遲一日,我都過關,但就是他講早了一日,咁,就,之前賺了的要嘔盡,尚要拿錢去贖身。這個貪字變貧,馬後炮,一定識講,但當你幾日就可賺廿萬時,你就覺得怎是貪,是財來因我有方嘛!賺是我本事,不是運氣,更非貪。

自大無知是股災沃土

自大、無知,與貪是每次股災(或給外資搵笨)的沃土,有這沃土,外資才可壯大。
日股自1987年美國股災後急升,至1989年,日經升至38000點,普羅日股民大買股,日資大戶又在新加坡大買日經期貨,突然一日,外資趁日央行加息,便全面明明白白地沽股票現貨,更加借貨來沽,在新加坡日經期指市場又明明白白地力沽日經期指(之前是靜雞雞沽的),用上孫子兵法的山林風火:未出手前不動如山,部署時要徐行(慢)和林(靜),到進攻收割時要快如風,烈如火。一日跌你千點,等你走都冇得走,又因為急跌,通常會唔想走,會彈下啩,結果指數急促下滑,到結算時便收工。大摩宣布將辦事處撤出日本,有人認為這是要食盡最後一日,唉!你日股殘到唔使玩啦!也的確日股由32000跌至8000,你點玩!
這個日股崩盤事歷,大家是否有似曾相識?A股又是否受到外資的惡意沽空?筆者估不是,是自己人沽空自己而矣!
附表是新加坡富時A50 7月期指由6月初以來至7月17日的成交和未平倉合約數,自6月下旬,這個合約的成交和未平倉合約數就一直升,最高時,日成交有過百手,而未平倉合約數逾63萬張,至7月17日仍有53萬張未平倉合約,而當日中國的A50IF 7月合約結算合約不足8000張,為甚麼中國的A50期指只有8000張去結算,而新加坡的有53萬張未結算?是誰在沽這53萬張期指,可以是自己友。
假如我在中國的右手,沽與在新加坡的左手,右手所蝕,一定是左手所賺,這樣一來,是否在新加坡就可以有一筆很乾淨的財富?7月10日,中證監界定惡意沽空是跨境,跨期操作,7月9日公安部介入,你估要查甚麼?昨日傳在上海自貿區的一些外資公司被查,以上,再加上日股崩盤的教訓,大家或可對今次A股之跌,有多一個角度的看法。

揀飲擇食

揀飲擇食

2015-07-23

      

港股呢排頭頭碰着黑,內地A股急插搞到恒指一日下挫二千點,中央救市穩定番之後,昨日又因為美國科技股業績唔靚仔插咗二百幾點,可見市底都係虛虛哋。

        美息看升美股難爆上

        美國科技股早前爆升,納斯達克指數創出新高。呢個星期幾隻龍頭大股派成績表,結果被指低於預期,杜指下挫一百八十多點,納指就跌十點,幅度反而細過杜指。美股高位回落,港股再度腳軟,變成跟跌唔跟升。早兩日大市回勇,但成交不足千億元,睇番北上投資A股滬股通額度,全日額度剩餘134.34億元人民幣,是連續第三日全日賣盤超過買盤,顯示兩地資金唔夠,內地穩定咗指數,但投資意欲不振,港股坐埋一條船,於是變咗孱仔。

        美股借科技股業績調整,陸羽仁認為背後係市場開始預期九月美國加息,在利率調高下,市場風險胃納降低,杜指上到一萬八千點就開始有壓力,短期見唔到佢有力爆上,高位就借啲理由調番落嚟。喺呢啲咁嘅市況,股民要保持有現金在手,買股唔能夠心急,就算想郁手都要等個市回落先行動,咁就穩陣啲,簡單來說,就係要揀飲擇食,寧缺無濫。

        美股回調,恒生指數低開,午後跌幅擴至359點,都有啲得人驚。不過,內地股市回升收市,尾市跌幅收窄,恒生指數收造25282點,跌253點;國企指數收報11734點,跌137點,雖然波幅增加,成交都係817億元。港股成交奀,港交所(388)跌6.2元,造222.2元,預計個市無乜好消息推動下,短期成交好難大上,港交所短期下試二百元低位都唔出奇。

        市場昨日話題梗係蘋果公司(Apple)業績展望差過市場預期,多隻蘋果概念股捱沽。瑞聲(2018)挫6.9%,報41.45元;高偉電子(1415)瀉8%,造6.23元;富智康(2038)下滑4%;舜宇(2382)降3.4%,報17.46元。

        理文手袋(1488)賣盤交易告吹,復牌後應聲急跌,為表現最差港股,收報1.13元,急跌20%,股價最低曾經跌到去1.05元。

        據公司講,接獲大股東告知,鑒於訂約方未能就有關交易條款達成協議,故與潛在買方就可能購買理文手袋全部或部份股份討論將不會繼續進行。理文喺五六月期間,仲喺四、五毫子徘徊,由於憧憬賣盤,股價急衝,最高上過1.99元,就算A股暴挫期間,佢都繼續頂得好硬。?家賣盤消息告吹,短期應該無得炒作。

        殼股買賣唔易成交

        市場人士話,?家賣殼有兩種方式,若然買家名氣大,就興低價發股,以攤薄方式轉換控制權,大、小股東趁買家號召力推高股價,自己執生搵機會散水。另一種買家名氣無咁大,就要真金白銀高價收購。

        內地股市碌低,少咗炒股熱錢,買家未必即刻肯再畀高價買嘢住,沽家就認為內地變相叫停新股集資,殼價有條件炒上,亦都唔願意賤賣。喺買賣意向差距擴大後,堅持想高價賣殼短期就比較難成事。

        市況唔穩定,投資者眼光轉向業績有保證公司發掘機會。大和估長江基建(1038)與電能實業(006)合併,變身成為基建巨人,兩隻股份雙雙造好,長建收63.95元,升1.7%;電能造70.55元,輕微下跌咗。

        買績優股有息收,策略進可攻、退可守,難度係好多都價錢唔平,買呢類股份唔會發達,但係連iBOND都大把人排隊的環境下,佢哋自然唔缺捧場客。但想買呢類股份都唔可以心急,要等機會趁市況唔好,個價低啲先至吸納。

        陸羽仁

2015年7月20日 星期一

買樓基本步《儲蓄》

   雖然樓價高企,但現今不少年輕人均十分幸福,有父母資助子女置業,送贈首期或全資入市,相反,藝人林盛斌(Bob)當年原來是被家人迫上車,由家人借錢作為首期,之後每月胼手胝足,努力賺錢供樓兼還錢給家人,現在他以過來人身份勸勉有意上車的年輕人,要從儲蓄做起,且需要耐性及時間,減少去日本及出席朋友聚會次數等。

        Bob憶述首次置業時,乃斥九十多萬元,由家人借錢支付首期,購入位於旺角女人街一個約三百多方呎的單位,與現時太太拍拖及同居,因該區交通方便,配套充足,又鄰近兩人上班工作地點,他表示:「落樓就可以吃到雲吞麵,便利店轉彎梗有一間。」成功安居樂業後,Bob更努力工作供樓以及還款,但由於當時收入微薄,又要每月供樓約三千元,直言感到非常大壓力,拍拖都不能再如過往般「豪使」,甚至要去少幾次朋友的聚會。

股票市場曾 「輸到入肉」

  對於現今上車困難,有年輕人指要餐餐捱麵包、每年去少一次日本旅行及不參與朋友聚會等,Bob認為上車要盡力而為,置業需要耐性及時間;他更謂成功需苦幹,只要努力儲蓄,取得首桶金後,距離目標就不遠,他指:「認識一個在茶餐廳工作的朋友,他由十八歲開始儲錢,數年後積蓄約有七十多萬元,其後成功上車再樓換樓。」他勸勉年輕人不要輕言放棄,只要找對儲蓄方法就有機會上車。

  Bob看似縱橫於投資市場,一帆風順,但其實他曾在股票市場「輸到入肉」,更言從此不再買股票,「當自己有物業後,發現身邊有很多朋友都有玩股票,不定時都會有貼士,但最後我一下子輸掉約二十至三十萬元。」

  現時,Bob每月都會儲起部份薪金,餘下的有部份會用於購買「磚頭」,對於現時有不少人投資於股票市場再套股換樓,他則相信直接買樓更加保值。

  投資有一手的Bob於訪問中表示,一直有留意深水埗及長沙灣一帶的「細價樓」物業,早前連續購入數個單位作長線放租用途;他續指,會專攻約一百至二百多方呎,價錢約一百多萬的細單位投資,因每個單位均能夠以月租六至七千元租出,且租金回報率可達三至四厘,加上地點好,空置率低,可吸引兩口子、小家庭客等租住,並會繼續放租當儲錢。另外,Bob又指銀碼小的細單位,其實比起銀碼大的大單位風險較小,至今他手持的物業,轉眼已升值三十至四十個百分比,更打趣指若手持十個約五百萬元的細單位,會比較持有一個五千萬元的大單位更「過癮」。

盼儲三千萬購新居

  近年人氣急升的Bob,更成功在娛樂界密密接Job吸金,他既跑到台前演出,又兼顧幕後的生意,最近又花上十萬元月租何文田豪宅。他更指,最近自己定下一個目標,就是要努力工作,盼能夠在未來兩至三年,儲多二千萬至三千萬元,購買一間面積更大,且環境更好的單位,讓一家五口及工人居住。

  對於每月支付近十萬元租金,又要另請司機駕車外出,他只認為「人一世物一世」,當見到家人大時大節在家中慶祝,小朋友在新居開心走動的場面,那份感覺是用金錢無法衡量,寧願自己辛苦少少都在所不辭。

2015年7月19日 星期日

2015年金管局釐清新一輪辣招細節:二按借逾兩成DSR收緊5%

金管局釐清新一輪辣招細節:二按借逾兩成DSR收緊5%

2015-03-03

大公財經

   圖:金管局要求有向財務機構提供借貸的銀行,須要求財務機構在向客户提供按揭融資時遵守金管局的指引

  大公財經3月3日訊(記者 邵淑芬)  繼於上星期五推出最新一輪審慎監管措施後,金管局昨日再就“按揭融資的宏觀審慎監管規定”向銀行發出指引,清楚解釋所有二按的申請(包括按揭保險),若借款人總按揭成數超過最高按揭成數上限20個百分點,其供款與入息比率(DSR)上限將收窄5個百分點。鑑於近期不少財仔提供高達九成的按揭計劃,金管局此舉有助堵塞漏洞。該局並再提醒銀行,向財仔提供借貸時,須要求其在向客户提供按揭融資時遵守金管局的指引。

  金管局發言人表示,於上星期五推出最新一輪審慎監管措施,當時已就透過按揭證券公司獲取額外按揭貸款的情況進行闡述。由於過去幾天有銀行查詢涉及其他形式額外按揭貸款的執行方法,因此該局昨日向銀行發出指引,趁這機會釐清相關的計算方法及政策立場。

  金管局於指引中表示,過去容許銀行就有需要獲取超過金管局正常所容許最高按揭成數上限的按揭融資,如透過二按或按揭保險計劃的借款人實施50%的DSR 上限。然而,因應近期市場情況,以及考慮到首期佔比小的按揭貸款的風險一般較首期佔比大的按揭貸款為高,該局認為加強涉及額外融資的按揭貸款的DSR上限應用,是一個合適的做法。

  新措應用於財仔與按保

  根據指引,若按揭申請人透過額外融資,以致整體按揭成數較金管局正常所容許的最高按揭成數上限超過20個百分點,銀行需將適用的DSR上限調低5個百分點。而有關措施不只應用於正在申請的按揭貸款,亦要應用於借款人的所有負債,包括任何來源所得而用作購置物業的額外按揭融資及其他負債。

  以最高按揭成數上限為六成的物業為例,正常適用的DSR上限為 50%,壓力測試下的DSR上限為60%。若按揭申請人申請額外融資,以致整體按揭成數超過八成,適用的DSR上限須調低至45%,壓力測試下的DSR上限亦要調低至55%。另外,如涉及非自用物業,按揭申請人原本適用的DSR上限及壓力測試下的DSR上限分別為40%及50%,而申請人申請額外按揭融資以致其整體按揭成數較正常最高上限超過20個百分點,兩者則應分別下調至35%及45%。

  此外,為避免逆週期宏觀審慎監管措施的成效被削弱,金管局一直要求有向財務機構提供借貸的銀行,須要求財務機構在向客户提供按揭融資時遵守金管局的指引,否則可能終止其與銀行業界的信貸業務關係。因應金管局已實施新一輪的審慎監管措施,金管局重申,若銀行仍未作出此舉,須要求與其有建立信貸業務關係的所有財務機構確認由現時起不會提供任何按揭融資,即提供予借款人以用作購置物業用途,而不論任何形式的物業貸款。

  將跟進銀行以便有效落實

  若財務機構擬繼續參與按揭融資業務,則須向相關認可機構確認本身願意並有能力嚴格遵守金管局的審慎監管規定。就這方面,金管局將會就有效落實這項要求,與已跟財務機構建立重要信貸業務關係的銀行跟進。

  根據指引,若按揭申請人透過額外融資,以致整體按揭成數較金管局正常所容許的最高按揭成數上限超過20個百分點,銀行需將適用的DSR上限調低5個百分點。而有關措施不只應用於正在申請的按揭貸款,亦要應用於借款人的所有負債,包括任何來源所得而用作購置物業的額外按揭融資及其他負債。

  以最高按揭成數上限為六成的物業為例,正常適用的DSR上限為50%,壓力測試下的DSR上限為60%。若按揭申請人申請額外融資,以致整體按揭成數超過八成,適用的DSR上限須調低至45%,壓力測試下的DSR上限亦要調低至55%。另外,如涉及非自用物業,按揭申請人原本適用的DSR上限及壓力測試下的DSR上限分別為40%及50%,而申請人申請額外按揭融資以致其整體按揭成數較正常最高上限超過20個百分點,兩者則應分別下調至35%及45%。

  此外,為避免逆週期宏觀審慎監管措施的成效被削弱,金管局一直要求有向財務機構提供借貸的銀行,須要求財務機構在向客户提供按揭融資時遵守金管局的指引,否則可能終止其與銀行業界的信貸業務關係。因應金管局已實施新一輪的審慎監管措施,金管局重申,若銀行仍未作出此舉,須要求與其有建立信貸業務關係的所有財務機構確認由現時起不會提供任何按揭融資,即提供予借款人以用作購置物業用途,而不論任何形式的物業貸款。

  將跟進銀行以便有效落實

  若財務機構擬繼續參與按揭融資業務,則須向相關認可機構確認本身願意並有能力嚴格遵守金管局的審慎監管規定。就這方面,金管局將會就有效落實這項要求,與已跟財務機構建立重要信貸業務關係的銀行跟進。

  確保借款人具還款能力

  中原按揭經紀董事總經理王美鳳指出,有關金管局進一步就二按提出供款與入息比率上限,目前新措施下銀行提供首按高達樓價60%,連同新盤二按貸款達樓價20%至30%,總按揭成數可高達80%至90%。新指引降低借款人的供款與入息比率上限,可確保借款人有較高還款能力及較強的防守力,有助降低銀行信貸風險。

  她續稱,此舉相信對市場影響不大,目前按揭借款人的實質供款佔入息比率平均處於35%健康水平,反映置業人士一般有充裕還款能力,加上不少新盤買家資金充裕,新指引只是確保買家有充足還款能力。再者,日前新措施已將按保計劃最高按揭成數降至八成,若首置人士申請高達九成按保,其供款入息比率不可高於45%,低於一般之50%。新指引指透過另一貸款途徑如二按獲取高成數按揭的買家同樣需符合供款佔入息比率不高於45%之準則,變相可減少漏洞,令銀行就高成數按揭的審批准則較為一致。

  中銀香港經濟研究員張文晶亦指,本港樓價升勢加劇,而隨?聯儲局加息預期漸近,為本港樓價的未來走勢增添下調壓力。風險最低時期或已過去,但銀行業的按揭貸款風險正在增加。雖然目前多項風險指標顯示的相關風險仍然可控,惟未來或會受到愈來愈大的考驗。張文晶續稱,受金管局加推收緊銀行樓按措施的影響,在措施宣佈後首個週末,樓市的成交量大減,短期效果立竿見影,然而措施的中長期影響仍有待觀察。

  首兩月現樓按揭登記增38%

  金管局於上週五推出第七輪收緊按揭措施,市場均預期,樓市成交短期會受到影響,第二季現樓按揭登記數字料出現跌幅。據經絡按揭轉介客户統計數字,出招後首個週末按揭申請宗數按周升近九成,主要因為二月中旬為農曆新年成交步伐減慢,相關基數較低所致。撇除季節性因素,實際上與正常週末市況相比,按揭申請宗數減超過三成半。

  經絡按揭轉介首席經濟分析師劉圓圓表示,今年首兩個月現樓按揭註冊累計錄得15912宗,按年增加38.5%,至於樓花按揭註冊累計錄得1588宗,按年增加超過五成,達53%。她認為,年初施政報告發表後,樓市氣氛向好,連帶二手市場交投亦見回升,加上新盤上會潮將至,相信首季按揭註冊會有正增長。不過今年農曆新年假期成交較為淡靜,而且金管局日前推出三招物業按揭的收緊措施,樓市成交短期內料會稍為降温,料會由第二季數據反映,屆時按揭註冊數字將會出現調整。

  中原按揭經紀董事總經理王美鳳預期,在二月份農曆年假及新措施削弱入市意欲之影響下,次季現樓按揭登記數字將現跌幅。

  二月份現樓按揭註冊錄得8492宗,較一月份增加14.4%,創四個月新高,儘管如此,現樓按揭已連續三年半不足一萬宗,與旺市時相比仍有一倍差距。至於樓花按揭更急跌553宗,按月減少達46.6%,並創七個月新低。中銀香港及?豐銀行分別以19.6%及20.6%的市佔率,分別奪得二月份現樓按揭及樓花按揭市場冠軍。

責任編輯:子衿

2015年7月14日 星期二

加息預左投資小心

預咗加息 投資醒定

2015-07-15

      

希臘債務有咗解決方案,基本上以德國為首的歐羅區成員使出辣招,要希臘賣家當兼勒緊褲頭,希臘總理齊普拉斯玩嘢,希望以民意迫使歐盟債主削債,結果被債權人一招閂水喉玩殘。希債危機暫時平息,有分析認為會令美國加息機會增加,同時影響全球資金走向。

        另外伊朗和西方達成協議,將解除禁運輸出石油,預計油價又有壓力向下,油價跌對美國、中國經濟都有利。

        美股下行外圍受壓

        同政經猛人傾起,希債危機平靜後,歐羅區相信短期無乜壞消息,若然歐羅強番啲,美國就有條件加息。以美國經濟狀況,承受加息能力唔會係好強,估計今年有可能加一至兩次息,跟住就要觀望一吓效果如何。聯儲局主席耶倫早前露了口風,似為加息鋪路。

        BCT銀聯集團投資總監夏卓華就覺得,希臘至今年底仍有約1000億歐羅需要償還,因債務問題仍需談判,歐羅區金融市場存隱憂,歐洲央行將維持量寬政策,不利歐羅走向,區內出口及企業盈利應可受惠歐羅貶值,他還預期,美國下半年將加息1至2次,每次0.25厘。

        耶倫喺利息問題上,作風偏向鴿派,佢唔似會大力加息,喺呢個前提下,早加息反而好過遲加息,因為早加可以避免遲啲加得更多,所以依家就要睇呢位鴿派係咪真係「的起心肝」調高息口啦。

        美

國利息超低,而且維持相當長時間,若然息口上調,就算幅度唔多,都可能影響全球資金流向,引起震盪。美股有少少一級級向下的感覺,杜指5月高位18351點,6月高位18188點,依家又近高位在18000點左右,有少少一浪低於一浪,很可能正承受利息向上的壓力。大陸本來準備逐步放水,應對美國抽高利率,點知發生7月的A股風暴,唔多唔少打亂部署,所以投資者未來都要增加留意美息有無異動,取態不宜太進取。

        內地喺接連救市後,波幅開始收窄,上證綜指一度升上4000點,高見4035點,但金融股板塊拖累大市,4000點關得而復失,打破上證三連升的反彈升勢。上證指數全日收報3924點,跌45點,成交金額8301億元人民幣;深成指數全日收報12728點,升114點,成交4920億元人民幣。

        內地回吐令港股特別係國企股跟跌,午後曾跌逾三百點,後來有啲反彈,恒生指數收造25120點,跌103點;國企指數收報11836點,跌167點,成交再縮至1261億元。內地升咗咁多日,回吐一下好正常,而且除了上證綜指略跌1.1%之外,深成指收和創業板指數都升,內地創業板指數昨日最多升5.4%,收升仍升1.6%,成日守住1%左右升幅。唔好忘記內地昨日又有百幾隻股份復牌,仲搞得平平穩穩,局面俾阿爺控制往啦。呢個星期五內地期指結算,估計內地股市即使回吐都唔會回太多,阿爺唔會放生啲淡倉。

        東航有迪士尼概念

        呢排做了A股好友的高盛發表研究報告指,牛市中出現大幅調整是很常見,經過過去三周大跌,調整已經大致完成,是良好的買入機會,建議投資者買入四類股票:融資盤較小、槓桿不確定性較低的優質股票;現金充裕估值不高,且正在回購的股票;評級列為買入,基本面強勁又超賣的H股及中資股;以及部份港股中小型股。雖然美資大行唱好,但散戶要自己衡量風險。

        上海迪士尼度假區將於今日舉行網絡發佈會,將披露包括上海迪士尼樂園、兩座主題酒店以及迪士尼小鎮設計細節。國泰君安預計,上海迪士尼會在2016年春季正式開園,會先在2015年年底做試營運,根據香港經驗,先試運營幾個月之後作正式開園。上海迪士尼開幕,概念上對東航(670)有利,由於油價持續低迷,東航上半年業績應該對辦,呢隻股不妨列入觀察名單,遇着跌市可趁回落博反彈。

        陸羽仁