2015年5月21日 星期四

散戶70萬入市坐艇

早前陸羽仁提過家陣買股有如過山車,10%~30%有胡請要食,以下就是真實個案,當然未到最后結果無人知!

【太陽報專訊】「神股」漢能薄膜發電(00566)昨股價顯著下挫,有股民因心急「撈底」而「坐艇」,更有股友於網上討論區「爆料」,自己賣樓買入漢能,在「有胡唔食」底下,昨慘蝕逾70萬元!

致富證券大圍分行經理石泳傑表示,昨日漢能股價急挫,有部分客戶查詢應否低吸,更有數名散戶,於5.5元「小注」買入博反彈,可惜即時「坐艇」。

不過,最矚目是有網民「自爆」,早前賣樓之後,斥資150萬元買入漢能,每股買入價逾6元,儘管之後漢能股價漲至8元,依然無意「食胡」,原因是「諗住長線好似騰訊(00700)咁上。」

不過,昨日漢能股價急挫後停牌,直言「依家一路打字,一路手都震埋,身家突然無咗70幾萬, 難以置信。……150萬無咗……咁就真係跳得……。」

內地人唔驚想再買
內地股民反應與本港股民相反,昨日漢能舉行股東會,有內地股東專程來港參與,揚言對股價「插水」不感畏懼,或會趁低再入貨。

深圳散戶Linda說:「我喺大約7元買入,昨日股價急挫,我覺得很奇怪,睇咗好多新聞想了解原因,但我心情是平靜的,不是太驚慌,因為始終覺得有實質業務支持。」

昨滬深兩市太陽能概念股上揚,向日葵(300111.SZ)、科士達(002518.SZ)、先導股份及大港股份等多隻股份漲停,有內地股民更說覺得中小公司終於「有機會上位」。

沒有留言:

張貼留言