樓市崩潰時，可以做什麼？

有不少人說，樓市14年為一週期，今次週期由2003年開始，應該是2017年結束，所以，樓市還有兩年上升期，甚至會是爆升。不過，我問他是否會在現時入市，他立刻表現得猶疑，其實，大家都知道14年為一週期是一個假定數字，沒有人可以肯定，如果肯定，更加不會現時入市。而現在入市的人大多數唔相信樓市14年為一週期，他們甚至認為樓市上升這個週期永遠不會完結，所以，任何說話都聽不入耳，好言變成惡語。到最後，遭受損失當然不能夠怪別人。

大家知道我在澳門長大，識賭錢的人話，贏錢千祈唔好贏埋錢尾，投資都是一樣，賺錢又唔好賺到盡，因為，無人知道幾時會到盡頭，假定賭錢的人贏到85的時候唔收手，雖然有機會贏到100，但沒有人知道100是否盡頭，有人希望再贏多一些，當形勢逆轉，下挫至85的時候，那些希望多贏的人就不忿收手，有可能將所有贏得金錢輸哂，甚至愈輸愈多，直至全部輸清光，甚至要借貴利為止。
投資物業又何嘗不一樣，現在樓價已經去到85，週期又只剩兩年，資深投資者早已偃旗息鼓。但仍有有意買樓的業主認為樓價還有大幅上升空間，死揸不放，當樓價去到100，他們仍然意猶未盡，認為樓價還可以向上，當樓價下跌至85時，當然不忿出售，樓價是有機會跌低過85。
不過，投資物業與賭錢不同，如果負債不高的話，投資物業不會由贏變輸，但損失了機會。千祈唔好睇小那些機會，因為如果做好逢三退一，又能夠把握到樓市低潮時入市的機會，擁有資產價值就會暴增，否則，只是按正常速度增長，不過，這亦不俗，最緊要的是負債比率要處於低水平，要無後顧之憂。
 
每一次我寫關於投資物業的策略時，很多時都會有資深投資者打電話給，我叫我唔好將秘密洩漏，其實，投資就好似捉棋一樣，打開棋盤，大家都睇到，而且是局局新，但若果已經處於上風，就應該保守一點比較好，因為世事難料，若果不測風雲仍然可以有翻身機會。
現在樓市在任何各度睇升勢都已經到了尾聲，有物業的人就算不賣走一些物業，都不應該入市，無謂為了最後的15而遭受重大損失就相當不值，所以，我見到有人仍然入市，買樓收租，我非常佩服他們的勇氣，不過，又不能夠說他們是錯的，因為無人知道樓市幾時到了盡頭，或者以後有人說我膽小，捉到鹿都唔識脫角。

文章出至
湯文亮
紀惠集團副主席及行政總裁，資深物業投資者，縱橫物業市場三十年以上，現時其集團持有的物業總值約為300至400億元港幣。